Wolkom by Dreamteater Akkrum 

Op sneon 6 septimber sil it Country en Western festival 'Nesville and Akkrumento' plakfine. Op dizze dei wurdt ús doarpssintrum omtsjoend ta in echt Westerndorp en wurdt ús fernijde doarpssintrum offisjeel iepene. It wurdt in dei fol mei live-muzyk op twa poadia, teater, dûns, in berneoptocht, in doarpslunch, aktiviteiten foar de bern en workshops foar jong en âld. Elkenien kin meidwaan! En as klap op 'e fjoerpylk wolle we mei it hiele doarp linedance op de Tsjerkebleek. At jo net meidwaan wolle oan ien fan 'e aktiviteiten, mar gewoan lekker genietsje wolle fan it Country & Westernfeest, dan binne jo fansels ek fan herte wolkom! Mar kom wol yn Country- en Westernklean, want dat is de dresscode op Nesville and Akkrumento. Dus gean mar fêst op syk nei dy stoere cowboyhoed en coole westernboots.